何家索千金超蓮自從同吳克群分手後，觀音兵不絕，有霍啟山、劉根森等公子哥兒埋身，不過超蓮例牌否認，個個都話係朋友!
今日有周刊指，早前被「降呢」做契哥嘅楊受成細仔楊政龍，似乎有啲機，楊政龍自超蓮前年回復單身後一直展開追求，據知二人由細就識，有唔少共同朋友，上周二佢哋去數碼港拍拖睇戲，撞正颱風天鴿，之但係冇影響一對小情人嘅心情，仲搵咗一男一女友人嚟做煙幕。
據報道指，當日楊政龍同超蓮本來行去戲院方向時一齊行有講有笑，去到戲院門口，見首映禮在場嘅記者未走，佢哋前後腳入場，睇完戲就由楊政龍揸車送超蓮返去。之前楊政龍都係搵阿Sa幫拖，等多啲機會埋超蓮身，o依家追到超蓮，報道又話早年超瓊都同楊政龍同父異母嘅阿哥楊其龍拍拖，之但係當時賭王形容楊政龍「質地唔夠好」，今次楊家公子又追何家千金，楊政龍就要努力表現自己，二來外界一直指楊政龍就係楊受成嘅接班人，所以楊政龍亦都要關注英皇嘅公司業務。
(蘋果日報)
