台灣型男賀軍翔一向感情低調，今年6月佢突然喺社交網宣布已婚，仲晒出一張BB側面相話自己已有一個四個月大嘅B女，事件震驚中港台粉絲！
昨日係七夕節，榮升老竇嘅賀軍翔就喺微博晒出「小情人」小美寶嘅照片，並留言：「看劇本有迷你情人陪（監視）真好 小美寶祝大家情人節快樂！太可愛，我已融化🎊️🎊🎊」
相中賀軍翔以一身黑色打扮，戴住眼鏡睇劇本，而囡囡就趴喺梳化望實老竇。
另外，賀軍翔仲晒出囡囡四張連環正面圖，相中小美寶眼仔睩睩、塊面肥嘟嘟，個樣十足迷你版賀軍翔，勁得意！其中一張相嘅小美寶仲流埋口水，網友都畀佢電暈，大嗌好Cute呀！
