【囡囡愈大愈靚女】郭羡妮調理身體再追仔

43歲靚媽郭羡妮同老公朱少杰婚後育有1女Kylie，而Kylie不經不覺就快5歲，郭羡妮不時喺微博貼同女兒合照晒溫馨。

雖然已屬高齡媽咪，不過同老公一心想追仔嘅佢，就話o依家已經調理緊身體，希望趁呢兩年盡力上到「尾班車」。

趁囡囡放暑假，郭羡妮日前就同老公、囡囡飛去溫哥華度假，相中Kylie似爸爸多啲，而趁住去當地旅行，郭羨妮仲專登帶老公去咗自己當年入讀嘅西門菲莎大學母校，佢留言話：「帶著最愛們到母校走一趟，是件幸福的事。」

同老公咁甜蜜，相信兩公婆好快會有好消息囉！

(蘋果日報)