Bob哂出合照，再搞鬼咁話：「我真係好驚佢會兜巴打埋嚟……話時話，似唔似兩父子呀？」。。。
資深藝人謝賢由年青到依家都依然咁有魅力，一個字「型」呀！近日佢仲參與英皇賀歲片《我的情敵女婿》嘅拍攝，戲內戲外都咁好人嘅佢，當然得到大家嘅景仰同尊重啦！有份拍攝嘅林盛斌（Bob）就即刻同謝賢集郵，仲好搞鬼咁話：「我真係好驚佢會兜巴打埋嚟……話時話，似唔似兩父子呀？」不禁令人諗起「謝賢摑曾江」事件，網民仲搞笑話林盛斌似阿爸多啲，謝賢似佢個仔咁話喎！
另外，又有好多網民話覺得BOB同四哥真喺一啲都唔似…
不過，唔知大家又覺得呢兩個似唔似呢﹖
而同謝賢惺惺相惜嘅女星劉嘉玲，都喺社交網上載一張同謝賢嘅合照，仲留言話：「永遠的男主角—四哥（謝賢）。」
(東方日報)
