周汶錡（Kathy）為時裝品牌拍攝廣告，她表示環境很休閒，襯托自己時裝模特兒又是媽媽的身份。
她笑言：「其實湊仔都係一個職業，襯番現今事業型女性，我都唔記得我有兩個仔。」
問到出工作會否掛念兩個兒子，她表示沒有：「前排去法國旅行對咗三個星期，我上星期打風前又同老公去咗峇里短Trip，尋日先返香港，所以唔係好掛住，當放吓假。」
Kathy坦言在旅行期間照顧兒子三個星期後，不捨得回來香港。
「都有同老公講我可以留喺法國。（之前冇諗過？）之前真係冇，但發現啲環境幾適合小朋友成長，冇咗嗰種無形壓力。」
她又表示兒子在旅程亦感到很開心：「一出去就係草地可以踩單車，好無拘無束，嗰種感覺我都Feel到。喺香港要諗去邊度玩，但嗰度唔使，周圍都有得玩，好悠閒。」
問到會唔會計劃吓仔仔去嗰邊讀書？她又表示：「我有諗過不如帶佢去，可以考慮吓，不過又唔捨得香港，等佢大少少先。」
(on.cc 東網)
