今日（8月28日）係中國情人節七夕，圈中好多情侶、夫妻，甚至乎父母都出嚟晒愛。愛情親情一樣咁Sweet，真係男女老幼都咁閃爆社交網。
講到最爆嘅就一定係天后王菲愛女竇靖童（童童）。
性向一直成疑嘅佢，雖然曾經被拍得同同性服裝設計師Rebecca Tsang喺北京箍頸激吻，事後又未有正面回應自己嘅性取向，反而頻頻被傳出櫃消息。
去到今朝凌晨，童童發現喺微博上載一位男子嘅相，淨係附上一個愛心Icon。
搞到網友都估佢究竟係咪借七夕公開男友身份，仲有網友指嗰位男子食指上嘅戒指童童都有戴過添！
（on.cc 東網）
