近日香港被兩個颱風輪流吹襲，大部分人自然安全至上，一直留喺屋企。
趁住天氣轉好，藝人張頴康與太太麥雅緻即興嚟個親子日，帶埋囡囡小豆出街，享受天倫之樂，仲喺社交網晒一家三口照。
成日都話囡囡係爸爸嘅前世情人，張頴康為咗前世情人都落足心機，唔單止帶囡囡去兒童樂園，仲全程抱實佢玩遊戲，相當溫馨。
呢位前世情人亦好識做，冧爆地向爸爸張頴康送上香吻，又同麥雅緻開心share飲品，難怪麥雅緻冇呷醋，仲甜到入心添！
「一星期兩個颱風天，希望大家都平平安安就好了！ 感恩我們仍可親子日，爸爸帶小豆『打恐龍』，媽媽和小豆分享奶昔！」
(on.cc 東網)
