74歲資深演員白茵同前足球名將、綽號「神童偉」黃文偉結婚50年，年初喺跑馬地馬會筵開16席慶祝金婚，二人喺1967年結婚，育有一仔一女，白茵早前接受訪問，憶述當年婚事面對多方反對，家人認為白茵當時有億萬身家嘅公子哥兒力追，不過對方妻妾成羣，所以白茵寧願揀「波牛」；但因黃文偉代表中華民國，同白茵嘅電影公司政治立場相反，搞到曾經有人問白茵「愛國定愛家」。
白茵姐最近接受香港電台第一台節目《粵語長片重出江湖》訪問（節目明午4時至5時播出)，暢談入行經歷與片場點滴，包括感情生活。在那個大時代，兒女私情隨時捲入變成國家大事，甚至政治籌碼。在白茵眼中，黄文偉只係一個熱愛足球嘅人，在港人及台灣人眼中，他是球壇名宿，16歲選入愉園打甲級聯賽，17歲代表中華民國參加羅馬奧運足球賽。因為當年台灣沒有足球隊，所以來香港選將，黃文偉入選。之前兩人曾提過，黃文偉代表中華民國到馬來西亞，對戰韓國，憑他射入一球奪冠。回到台灣，總統蔣介石跟他握手，說黃文偉「了不起」。
63年白茵在旺角界限街球場邂逅黃文偉，低調拍拖三年，白茵的左派電影公司新聯終於知道，以黃文偉代表台灣是右派為由，反對他們交往。白茵在節目中憶述謂，公司曾因政治立場不同，質問她究竟「愛國定愛家」，但對白茵而言，黃文偉只是一個熱愛足球的人，代表台灣出賽，並不代表任何政治立場：「佢同我拍拖都放棄咗好多，冇出去外地比賽。好慶幸自己無揀錯。」
說到這裡，白茵笑稱：「當年反對我嗰幾個人已經過咗身，如果唔係我一定會請佢哋嚟（金婚紀念），揞住佢哋把口。」愛情定麵包？愛家定愛國家（愛黨＝愛國？）白茵就揀愛情，而這個決定，白茵知道錯不了。
她曾說，丈夫不是有錢人，但絕對是好好先生，以家人為先，雖然不懂甜言蜜語，但總是將白茵放最重要位置。足矣。
(蘋果日報)
