歌手蘇永康出席音樂會，當了爸爸的他不時在網誌分享囝囝展弘（Jazz）相片，問到香港日前打10號風球有否嚇親囝囝？蘇永康說：「當日起身見兩個工人喺廳扯番埋個窗同露台度門，到囝囝醒咗就抱佢去窗邊感受下打風，佢平時會不停用手爪人，突然靜晒同定晒，5個月大嘅BB都感到恐懼。」
對於澳門受風災影響出現死傷情況，蘇永康說：「希望澳門成個市區盡快復原，香港算係福地，不幸之中大幸，知道有市民啲車被浸，都係錢財身外物，至少保住條命。（有澳門朋友受影響？）相信大家都平安。」由於香港又有颱風逼近，蘇永康說：「希望各地都唔會有太大影響，天災真係話唔埋，天佑港澳。」
(on.cc東網)
