「宅男女神」孫慧雪（雪雪）喺今個月2號宣布誕下囝囝Riley，正式升呢人母！正在停工休養身體嘅佢，今日喺Instagram自爆秘密，話自己同囝囝都體重驚人。
佢表示：「今天發生了兩件大事！1.BB未滿月，已經12磅了🙈 2.媽媽都好厲害，竟然有141.02磅😱要好好紀錄低，等傷口復原計一個月，我要先減15磅！睇住來😤 P.S.BB今日捉實媽媽隻手指瞓覺☺️覺得好冧！」
嘩！BB未滿月就已經有12磅好誇張，睇嚟Riley嘅營養吸收力真係好好。另外，亦有網友留言叫雪雪唔使心急減肥，要慢慢嚟，最緊要身體健康，仲有媽咪級網友表示：「我個仔滿月先8磅幾😂你先生係咪都大隻？」
