踏入40歲的陳山聰，與圈外女友Apple感情穩定。。。
踏入40歲的陳山聰今次在《同盟》一改奸角戲路，飾演「暖男」保護摰愛的母親與愛人，現實中山聰則視女友為家人，同時更是指引他方向的燈塔。近年愛上馬拉松的山聰，自言個性Crazy，不排除閃婚。
陳山聰在劇集《同盟》中展現鐵漢柔情一面，除打得之餘，又與前輩鮑起靜在劇中母子情深，與好友姚子羚更有一段「羅密歐與茱麗葉」式淒美愛情，劇中他傾盡全力保護兩個心愛的女人，山聰笑言自己的奸角及二世祖形象已「入血」，但今次獲監製文偉鴻安排演「暖男」有突破，感謝對方給予機會及指導。
拍拖玩煮飯仔
山聰與圈外女友Apple感情穩定，問私下相處是否一位暖男？他笑說：「一半半啦！大家工作太忙，見面時間真係唔多，要靠互相了解同體諒，有時我都有返去煮吓飯，咁樣又算唔算暖男？」又指女友會提出意見讓他改進，在演戲上發現不少新方向，有如他事業上的燈塔：「大家感情似屋企人，最開心係每次我演出佢都有睇，佢少出街，乜劇都會睇，佢睇完會畀意見我，提議我可以點做，又會指出缺點，唔會畀我一味只聽到好嘅聲音，咁樣會令人被蒙蔽。」
不強求攀上一線
近年愛上馬拉松的山聰，與好友創立Crazy Runner並肩向終點長征，事業上見好友胡定欣及袁偉豪等先後攀上一線，踏入40歲的他堅持用心演出，相信有一日會覓得適合自己的位置：「見到身邊朋友上位，好戥佢哋開心，但自己會否再上去就冇強求，相信我用心去做，監製、觀眾會睇到。」問感情生活是否打算與女友繼續長跑？他笑說：「我唯一影響唔到佢嘅就係一齊跑馬拉松，女友明白我係搏殺期，但大家早已肯定對方，大家知我好Crazy，或者突然想結婚，就結架喇！」
(東方日報)
