早前有傳同YoYo婚姻出現暗湧，不過Vincent否認，話只係工作太忙少咗時間見面，而日前。。。
王浩信(Vincent)因為「渠頭」再加「Saving」令事業攀上高峯，劇集同宣傳一個接一個，見少咗老婆陳自瑤(YoYo)同囡囡王靖喬，早前有傳同YoYo婚姻出現暗湧，不過Vincent否認，話只係工作太忙少咗時間見面！
不過鐵人都要有休息嘅一日，Vincent喺訪問曾經講過拍咗1年劇都冇時間休息，工作夾夾埋埋1年只係放咗3日假，一來連親子旅行都要取消，二來身體去到一個極限，所以同公司講咗要唞一唞！放緊假嘅Vincent，日前同囡囡砌巨型城堡，咁啱同碧咸（David Beckham）撞到應，Vincent話：「同碧咸撞咗，個城堡好靚，因為今年冇時間一齊旅行，所以同佢砌城堡，多啲回憶，o依家仲砌緊。」
今日有周刊報道，Vincent早前陪囡囡去公園踩單車，暖男Vincent變咗做暖爸，一手拎毛巾，一手拎水樽，全程貼心照顧囡囡，玩咗個零鐘左右，兩父女手拖手返屋企，認真溫馨！Vincent事後接受周刊訪問，話踩單車係親子活動，呢兩個月唔使拍劇，佢會當係休息，仲話會喺屋企同事業攞個平衡，為咗家人，就算幾辛苦都值得！
(蘋果日報)
