喺噚晚出世架﹗雖然好似早咗啲啲報到，不過BB都幾重喎﹗恭喜恭喜﹗
現年29歲嘅韓劇《誘惑》女星朴河宣，今年1月跟37歲男星柳秀榮結婚，4月時透露朴河宣懷有身孕嘅消息，雖然當時表示預產期係今年秋天，不過今日朴河宣方面公佈好消息，指朴河宣於昨晚平安誕下B女。
朴河宣所屬事務所今早透露：「朴河宣噚晚於首爾某婦產科醫院誕下7.7磅重嘅女嬰，母女健康平安。目前，朴河宣正於家人及好友嘅祝福中休養。老公柳秀榮跟所有家人都為新生命嘅到來而非常開心，希望大家能夠給予溫暖嘅祝福。」
朴河宣亦透過事務所表示：「非常激動能夠跟等待已久嘅漂亮女兒見面，大家得知我生女嘅消息都送來祝福，真心感謝大家，我哋會好好照顧及養育佢。」另外朴河宣又不忙谷新片：「近日我哋嘅電影《青年警察》得到大家厚愛，需要感謝嘅事情真係好多，今後我會作為演員，以更好嘅面貌跟大家見面。」
(蘋果日報)
