【13歲遭男同學多次非禮 啞忍近1年終向母哭訴事發經過：佢個嘢掂到我後面】

這時受害女童立刻跑回家，媽媽一打開家門女兒即情緒崩潰。潘太於是錄下與女兒的對話內容，女童在錄音中痛哭，當潘太問她：「佢捉住你隻手？」女童崩潰大叫：「係啊！佢捉住我！佢諗住拉我去第二個地方！」更透露該名男同學攬她攬了好久：「佢成日都咁做！」潘太表示：「佢（女兒）話男同學攬住佢條腰，個嘢（意指下體）掂到佢後面，佢覺得好驚。」

女童父母立即報警，案件交由CID跟進，錄口借時父母則在另一間房透過視象觀察整個過程，爸爸潘生表示：「聽我個女講嗰事，原來唔只今次咁嚴重，之前都有幾次，一係樓梯一係廁所，同一個男學生。」男同學還會扮親吻受害女童、摸她的屁股。潘太形容：「佢一唔小心，個男同學就會趁機想搞佢。」而且懷疑此等非禮行為早於去年5月已發生，父母對此都感到相當痛心。

潘生潘太打算通知校方已報警，豈料卻反而被校方趕走。潘太繼續向主持人表示：

「有個男老師同哋講，校長唔得閒要等等。20分鐘後，就見到有警察係學校前面同校長傾偈，個警察即刻鬧我哋：『你兩個喺度做乜嘢啊！你哋返嚟學校做咩啊？走啦！仲唔走？』」當時潘太感到非常害怕，在離開前向警察說：「我哋只係同校長講聲，如果你哋唔滿意，我哋走囉。」

回到家中，潘太接到警方電話：「佢鬧我哋，話我哋扮警察恐嚇學校。我哋就話『點扮啊？我只係通知校長，校方都知道我哋係家長。』佢叫我哋唔使再搵，跟住會去學校。」潘生潘太對於被警方驅趕、遭誤解為「恐嚇」，至今仍感到相當不解。相隔4個月，爸爸潘生再向CID了解案件進展，對方表示「轉頭答你」，最後又再不了了之。

據悉事件發生後，女童一直未有再回校上學，只以網課模式上堂，潘生表示：「（校方）係咁打電話畀我，搵個社工不停叫我個女返學，但個男同學仲返緊學，學校又冇處理佢。試過一次帶佢（女兒）返學，去到學校門口都話要走，之後斷斷續續收到學校電話，可以話係騷擾。」

去年底校方更向女童發出嚴重缺課通知書，指女童在沒有特別理由之下，或會留班。潘生收到通知書感到好火滾：「你明知CID仲查緊，唔知進展點，學校係咁迫我個女返學，我可以做到啲咩呢？」據悉《東張西望》將會繼續跟進個案，並將會與校方進行交涉。