最近因為《超時空男臣》而上位嘅何廣沛，人紅自然新聞，好似最近話佢以專注事業為理由，同前Donut成員周梓盈分手，點知今日有周刊報道指一直自稱單身嘅何廣沛，實情佢同朱晨麗拍《超時》戲假情真，暗撻半年！
報道話何廣沛同朱晨麗拍拖係公開嘅秘密，好多同劇嘅演員幕後知道，最初何廣沛都好怕醜，但係朱晨麗好識嗲人，又挨身挨勢，拍到尾聲嘅時候，試過企埋一邊頻頻咬耳仔，甚至有人試過見到佢哋私下約會！
雖然o依家大家都忙緊拍劇，不過何廣沛爭取時間去玩健身，實行要操fit自己，不過就同朱晨麗戴埋同款嘅眼鏡同情侶帽，暗玩情侶look，合體宣傳嘅時候，私下眉目傳情，明眼人一睇就知乜嘢事！報道仲話何廣沛之所以要低調戀情，亦唔想俾人話佢貪新忘舊而影響保護形象！
