於社交網上載了一張手背插喉管及收到一束鮮花的相片。。。
電台DJ阮小儀21號正式重返電台為節目開咪，放了兩個星期大假的她，未有離港外遊，前日只孖好友森美捧場梁漢文假九展的演唱會，原來她不出外度假的原因，是要入院做手術，她在「復工」日完成節目後自爆住院原因：
「因為甲狀腺左右兩邊都出現咗2大個結節，Size頗大，唔切唔得，所以只好聽話，做手術搞掂佢。而家冇咗2粒大嘢，亦冇咗甲狀腺，以後每日記住食甲狀腺素補充劑就基本上ok㗎嘞。今次我好幸運遇到好嘅醫生，好嘅醫生朋友畀各方面意見我，同埋好嘅保險朋友，過程一切順利！休養咗2星期後今日開始回歸。而家傷口入面好番嘅進程就等身體自己搞掂㗎嘞，醫生話畀啲時間個傷口會冇問題！好，報告完畢。祝自己同每一位身體健康。」
並上載了一張手背插喉管及收到一束鮮花的相片，未知此花是否追求者因關心小儀所送呢？
(東方日報)
