【7磅2重過姐姐！】再做爸爸：希望佢哋兩姐弟相親相愛

2017-08-22

「阿B今朝8點幾出世，母子平安，老婆開刀，都有啲肉哋架，有7磅2，重過姐姐！」

無綫前新聞主播葉昇瓚，今年4月宣佈太太宣再陀B，已經有個囡囡嘅佢，今次添丁生雞仔。今日葉昇瓚喺社交網，上載咗佢同佢BB嘅相，原來葉太今朝早已經生咗。

葉昇瓚接受訪問話：「阿B今朝8點幾出世，母子平安，老婆開刀，都有啲肉哋架，有7磅2，重過姐姐！」問佢有冇帶囡囡見細佬？佢話一陣都會帶囡囡去見下，但唔知佢有乜嘢反應，因為囝囝未出世，有話俾佢知細佬喺媽咪個肚，佢就成日指住媽咪個肚臍話係細佬，但係唔知佢會唔會以為個肚臍係細佬，希望佢哋兩姐弟將來相親相愛。