67歲蘇施黃於2005年戰勝乳癌之後如常工作，近年由電台DJ轉戰當KOL的她，於網上開設頻道介紹飲食資訊，廣受網民歡迎。
她日前上載影片，透露自己患上大腸癌第三期，背景看到她目前身處醫院，精神不俗。
她透露當初因為發現去洗手間屙血去睇醫生，發現患癌後隨即接受手術……
她親自講現時狀態：「切割咗腸，大腸轉角位切咗15cm，嗰度有個腫瘤，側邊攞咗25粒淋巴，其中3個位有感染，已經話肯定唔係第一期，驗出嚟係大腸癌第三期，佢話穩陣啲，做完手術後再檢查，睇吓有冇走去身體其他地方，骨或胸邊度。」幸好沒有擴散。
她指做完手術後共住院8天，現已可進食的她靠食物保持心境開朗：「開心到不得了，一個人當你食嘢覺得自己病就好病，但當你覺得同Normal人一樣就Normal，我開咗刀，咁大個症，仍然笑口噬噬，面色非常之好，最緊要心境開朗，全靠食物。」
又表示之後會有大考驗，因要做化療將會無啖好食，但她仍樂觀表示：「唔緊要，化療完又擦過，我啲朋友話化療前先吃為敬，化療後再吃為敬。」她接受訪問時表示：「我精神奕奕，把聲都係咁，聲如洪鐘，繼續如常生活，努力等做化療。」
（綜合報道）
