離婚一年，本月初就公開新戀情，透露跟圈外男友蜜運中，估唔到今日再傳來好消息，宣傳跟男友將於下月。。。
韓國女團Jewelry嘅33歲前成員李智賢，2013年跟大自己7歲嘅圈外人結婚，兩人育有一子一女，不過去年8月跟結婚三年嘅老公協議離婚，李智賢主動放棄唔分身家，只要一對子女嘅撫養權及贍養費。
離婚一年，李智賢本月初就公開新戀情，透露跟圈外男友蜜運中，估唔到今日李智賢再傳來好消息，宣傳跟男友將於下月結婚。據知李智賢向傳媒透露，遇到好對象，想建立新家庭，跟男友將於下月底舉行非公開婚禮，只邀請家人及親朋好友參加。
李智賢透露男友係眼科醫生，大讚對方係個正直又可靠嘅人。網民對於李智賢閃婚表示非常驚訝，留言「點解咁急結婚？」、「為咗子女應該更慎重啲」等，不過仍有人留言：「唔理點，希望你幸福。」
(蘋果日報)
