藝人鄧梓峰早前上載一張與四位有份參演無綫新劇《美麗戰場》的演員合照，當中包括陳瀅、劉佩玥、陳曉華、麥玲玲。
鄧梓峰於帖文中表示：「畀你揀，到底邊個做我老婆，邊個做我個女，邊個做我細姪女，邊個做外母好呢？」
一班熱心網民紛紛提出意見：「有玲玲師傅做你老婆你執到啦」、「你想年年有運行，繼續搵到盤滿缽滿，咁梗係麥玲玲師傅啦！」留言區群情洶湧！
不過就有馬上網民引用電影《龍咁威》經典名言：「唔準諗，即刻答！」更有人貼出上述「全家福」直言：「睇到個標題，我第一時間係諗到呢個畫面」。有網民就將相中其餘幾位女士全部P成鄧梓峰個樣，連鄧梓峰忍不往留言表示：「咁恐怖？」
一向愛跟網民打成一片的鄧梓峰更把網民製作的P圖，重新上載到社交網到下一個帖子，並留言表示：「多謝我FB朋友，而家唔使煩邊個係老婆，外母，女女，妹妹仔啦！全部清一色，打和，super！」相當搞笑！
網民群情洶湧，至今已吸引超過二千個讚好，紛紛留言「唔使驗DNA都知係一家人」、「全部都係鄧sir」、「巴斯光年的一家」，更有人更稱讚鄧梓峰果然好玩得！
（綜合報道）
