【監警會斥港姐「少布到不得了」TVB急發聲明】黎諾懿罕有敢言寸爆回應 網民大讚「好有見地」

太太為07年落選港姐的黎諾懿，他於電台接受傳媒訪問時，就余黎青萍批評港姐的言論作出回應。他說︰「其實我真係唔明，著得少布就係色情，唔通要著樽領衫？咁講著樽領都可以好性感。」

諾懿認為色情與否跟多布還是少布無關，最重要是意識上有沒有美感。他又舉例指韓國女團BLACKPINK的造型也很少布，但形象好健康。

他罕有敢言繼續回應：「講真依家咩年代呀？最重要意識上有冇美感，如果佢係賣弄色情就緊係唔好鼓吹，但如果佢係靚嘅，令人有遐想係好正常，都唔關多布定少布事。」黎諾懿的敢言言論獲網民大讚，「不能同意更多」、「好有見地」。