《珍珠港》（Pearl Harbor）、《妖夜尋狼》系列（Underworld）女星嘅44歲女星姬蒂碧金素爾（Kate Beckinsale），月前被拍到同只得21歲嘅小鮮肉男星麥特萊福（Matt Rife）當街激咀，將呢段母子戀曝光。不過戀情公開約兩個月，佢哋被爆已經分手收場，報道話佢哋約會過幾次，但喺幾個星期前開始冇聯絡。
姬蒂碧金素爾同前男友米高辛（Michael Sheen）育有18歲嘅女兒，個女只係比麥特萊福年輕三歲，而姬蒂2004年同《妖夜尋狼》系列導演連韋斯曼（Len Wiseman）結婚，不過舊年對方就申請離婚。近日回復單身嘅姬蒂受訪時話會將時間花喺工作同埋照顧囡囡，對於囡囡已經長大將升讀大學，姬蒂話對佢嚟講係又驚又興奮，因為自22歲以來都未試過享受自由生活。
(蘋果日報)
