MIRROR演唱會早前發生嚴重意外，2名舞蹈員被下墜的大型屏幕擊中受傷送院，其中李啟言(阿Mo)現時仍在伊利沙伯醫院ICU留醫。
而當時很多報道指意外中的另一名傷者張梓峯已於7月29日自行出院。今日「貓貓校監」呂校長在社交網發文，文中引述張梓峯家人，稱於8月1日的消息指「阿峯並未出院」。
【又打風？】有低壓區或發展成熱帶氣旋 即睇天文台九天天氣預測
有報道稱阿峯在事發後翌日，在家人陪同下已自行出院，亦有指阿峯已轉往中文大學醫院繼續接受治療。
有「貓貓校監」之稱的呂校長，今天（2日）在社交網發了幾個帖文，交代有關阿峯傷勢一事，今晚呂校長再發短片，並代阿峯家人轉述阿峯受傷經過及傷勢。
呂校長寫道：「張梓峯家人希望透過呂校長平台，交代以下幾個重點：
1）唔係「輕傷出院」
2）係「轉院繼續留醫」
3）將會 「即使出院但因病情需要每天回醫院接受治療」
4）由於身體狀況（盆骨和腰部被壓傷）未可回家休養並要搬到方便出入的地方暫住
5）因此傳媒朋友不需要在他們的家中守候追訪
6）若出院安頓後或有進一步檢查報告有關阿峯的消息，亦會與大家分享♂️
7）傳媒垂詢，可直接聯絡呂校長。
感激各位並希望繼續為受影響嘅人士集氣祈禱！」
呂校長在自拍短片中一一交代阿峯受傷經過及傷勢：「喺7月31日，我同佢（阿峯）哥哥傾咗大概情况；8月1日用咗幾長時間同佢哥哥及阿峯太太，去了解發生乜嘢事，因為網上傳嘅消息，愈來愈亂，關心佢嘅人知道大概狀况，有乜嘢事件陸續發生，條片交代幾個事情。
佢（阿峯）唔係輕傷出院，而係轉院，其中原因有大量傳媒報道，令醫院﹑家人及傷者有少少影響，始終事發後入院，醫院當時排佢上房，都用咗相當時間，04﹑05先上到病房，短時間內做好多檢測，test，個人都好攰，家人某程度上唔可以陪佢。
【MIRROR演唱會嚴重意外】媒爆魯庭暉即將辭職 更指接任人係…
而當晚不幸事件，電視屏幕跌落嚟，壓傷阿Mo（李啟言），當時阿峯係見唔到，當佢見到時，知道（屏幕）跌落嚟壓到阿mo，佢想上前推，想用自己力量推開個屏幕，去幫忙件事，喺電光火石之間，做呢個動作（推開動作），一個人身體力量有限，儘管佢嘅力唔細，但結果（屏幕）都係壓落嚟，壓落時先拍佢到個頭，撼一撼，佢意志力較強，想繼續推，當時冇暈倒，但最後壓咗落嚟，壓到盆骨及壓傷大髀內外側，都係好應，腳趾爆咗，手指當然受傷，亦可以估計到身體其他部分，亦都相對有問題。
嗰下先撼到個頭，LED屏幕始終係硬物，佢照過腦﹑磁力共振，有部分位置有做，依家狀態係醫生知道一定有手尾，要做復康計劃，呢個情况下，太太及家人冇現身交代，因為情緒波動，亦不擅辭令，佢哋要搞掂自身問題。」
（綜合報道）
【MIRROR演唱會嚴重意外】另一傷者張梓峯 家人證根本未出院
【又打風？】有低壓區或發展成熱帶氣旋 即睇天文台九天天氣預測
【附污水呈陽性名單】131幢住宅大廈納最新強檢名單 多個大型屋苑涉陽性個案
【MIRROR演唱會嚴重意外】媒爆魯庭暉即將辭職 更指接任人係…
【PSY演唱會驚爆慘劇】27歲工作人員20米高台墮下 惜搶救不治
