Joe Junior噚晚喺尖沙嘴出席「貓王皮禮士利40周年紀念晚會」，Joe Junior同老婆一齊到場，佢話好鍾意貓王嘅歌，覺得唱得好有感情。
問到係咪唱好多貓王嘅歌追女仔，佢自爆都係靠貓王嘅《Love Me Tender》氹到老婆返嚟。
Joe Junior話：「太太最鍾意，佢瞓前會唱佢聽，我都係用呢首歌冧佢返嚟。太太鍾意浪漫又鍾意老公錫，我冇揀錯呢個太太，之前我病時，佢不斷照顧我。」
點樣答謝老婆，Joe Junior笑話：「我錫佢多啲，知佢部ipad壞咗，佢又鍾意煲劇，送部新嘅畀佢。」
Joe Junior今年3月底，因為心臟唔舒服入院做手術，佢話身體已經好番九成：「可以行可以跑，做緊物理治療，23號返去覆診 可以拍劇上飛機，籌備緊明年喺伊館開音樂會，o依家好好多，但唔會排得工作咁密，會揀工作，就自己體力，感謝朋友、歌迷嘅支持。」
（Apple Daily）
