一名女生近日於社交網專頁「奴工處」投稿，稱跟男友在專上院校認識，及後開始拍拖，自己以為關係好穩定，還認定對方情定終生。
(示意圖)
最近發文者發現意外懷孕，本以為可以修成正果組織美滿家庭，豈料男友得悉懷孕消息後「忽然面都青晒，講野開始變到吞吞吐吐，變到唔似平時嘅佢」。
(示意圖)
覺得似乎不妥，所以不斷追問男友，紙始終唔包住火，竟發現男友七年來的驚人秘密！
(示意圖)
發文者續說：「佢終於自爆自己其實喺7年前已俾公司炒咗並且失業7年。而佢咁多年都一直同我隱瞞緊佢失業﹐同時亦知道咗佢呢7年間原來係靠攞綜援生活。重要日日去機舖扮返工，佢平時拍拖啲錢應該都係靠綜援得返嚟」。
發文者得悉真相之後頓時晴天霹靂，發覺自己太愚蠢，竟然可以被男友欺騙這麽多年，但男友竟然大發脾氣怪罪於女友，最後分手收場。她大感彷徨無助，「諗返轉頭好後悔自己點解會上咗賊船，但同時開始擔心自己同BB以後嘅生活。一方面擔心唔知點同公司交代，第二得自己一個亦好唔知點照顧BB，第三單親家庭成長好驚會影響BB成長，但又唔想墮胎，壓力大到爆唔知點好！我已經覺得自己撐唔到落去！」。
有網民表示，「7年都唔搵工，呢個男人好有問題，再諗係咪自己蠢、定鬼掩眼都係無用，返唔到轉頭，咁講啦！早啲睇清楚都好嘅。將來條路唔易走，亦會有好多人話難再搵到老公，呢啲就唔好想太多啦！BB都有了，又唔會考慮唔要，就好好安頓自己，照顧好自己，安排一下第日點照顧小朋友，公司果度唔會交代唔到，佢地唔可以歧視未婚媽媽、單親家庭，無野係解決唔到，為咗BB勇敢啲」
【大批網民湧社交網留言悼念】27歲女消失社交網3個月驚傳死訊 母親靈堂上透露女兒當晚吃2樣東西噎死
有人亦指出，「綜援其實都唔係問題，問題係佢嘅心態，一直都冇諗過搵工」，也有人認為「先處理咗自己先啦，處理唔到嘅，唔好生呀，累埋下一代」，但也有網民質疑事件的真確性。
