袁文傑近日出席訪談節目，他憶述2018年時母親因病離世，當時傷心不已的他，將與女友張潔蓮（Jackeline）的婚禮延期兩年，而袁文傑談及母親時更數度哽咽。
原來袁母離世當日，袁文傑碰巧要參與大型外景場口拍攝，但一心想陪母親度過最後一段時間的他，雖然已盡力與劇組協調，往返醫院及拍攝場地，可惜因母親的情況反覆，最終還是趕不及見最後一面……
他遺憾說：「好記得再次趕去醫院，電梯門一打開，Jackeline坐喺張長凳度，同我講你唔使咁趕。」他坦言全靠太太陪伴，才能從喪母傷痛走出來：「由媽媽走時開始，我冇崩潰過，只係感覺個心好似慢慢畀嘢刮緊，多得Jackeline喺我身邊，佢冇畀任何壓力我，我需要乜嘢，佢都盡量幫我。」
除了分享與母親昔日相處點滴，袁文傑坦言能夠在娛樂圈堅持下去，全靠媽媽的支持及無微不至的照顧：「無論我開工到幾夜，佢都會瞓住等我，煲返熱啲湯畀我飲。」他指母親還影響自己的做人態度：「佢教我做嘢要公平，唔好太過計算，我一直有記住。」
他又遺憾沒有留下太多與媽媽的合照，他說：「細個爸爸媽媽都要為口奔馳，邊有咁多閒情逸致買相機，去到近呢廿年環境開始好啲，但媽媽身體開始唔係咁好，睇返啲相見到佢都係比較憔悴。」
（綜合報道）
