一名小童在旺角朗豪坊的玩具店「kkplus」，挨跌價值逾5萬元「天線得得B」Laa Laa公仔，家長賠償逾3萬元，事件引起各界熱議。
涉事小童父親接受電台訪問時，憶述公仔破碎一刻。他指店員「冇屈我個仔踢跌公仔，但誤導咗我哋」，又指因為今次事件，仔仔今日向學校請假。
【麥當勞大快活上榜】97幢大廈納最新強檢名單 包括酒樓圖書館健身室及多間食肆屋苑
小童父親接受電台訪問時指當時事發在星期日下午6時半，5歲兒子當時在店外接聽工人姐姐電話，忽然聽到「呯嘭一聲」，他隨即回頭望，發現店內涉事的公仔已倒地。
他又指，仔仔當時「僵晒好驚」，只低頭看著公仔，而店員亦向太太表示仔仔已踢過公仔一腳，當刻誤以為「個衰仔第一腳踢唔冧再踢二腳」，因此決定賠償了事，盡快帶兒子離開。他續說，那個公仔標價5萬多元，但店員聯絡公司後，決定只收成本價了事。
相關新聞：【小童挨跌5萬得得B家長賠3萬】玩具店經理現身開腔回應事件
小童父親又澄清：「店員冇屈我個仔踢跌公仔，佢只係誤導咗我老婆，話之前已見到你個仔踢佢一腳」。他又提及，兒子回家沿途在車上「呆晒， 一句嘢都冇講過」，後來仔仔問了他3次「點解個公仔咁恐怖」，令人心痛！
他強調自己沒有因為公仔事件責罵兒子，直到晚上九時許看到事發影片，發現兒子當時為避開人潮才向後挨，發現公仔倒下時更轉身伸手想扶起公仔，形容「好唔小心、好無助，我個心開始噏。」他承認錯怪了兒子。被問到責任問題，他直言家長有責任看管小朋友，但同時店方亦應採取保護措施。
相關新聞：
【5歲仔挨跌5萬賠3萬 家長終獲道歉及全數退款】店方想送禮贈男童 爸爸霸氣回覆
【小童挨跌5萬得得B家長賠3萬】玩具店經理現身開腔回應事件
（綜合報道）
