懷孕近6個月嘅賈曉晨（JJ）現在長居北京安胎，而老公樊少皇就喺泰國拍戲，搞到JJ同「蛋皇」(老公暱稱)經常要靠網上傳情。
今日JJ再喺微博貼咗張全身近照，見佢着住一條白色通花裙，輕輕摸住肚皮，明顯見肚，仲晒埋白滑美腿㖭。JJ留言﹕「蛋皇你安心拍戲，放心，我力量多的是！壞人打不垮我，我現在是大肚女超人…別攔着我去浪。」
其實JJ早前就因為網上一啲惡意文章搞到心情好差，仲話嬲到要call白車 。
好彩現在心情已經好番好多，早前仲約埋朋友一齊去食甜品，但大肚婆食生冷嘢始終唔係太好，佢自己都留言食完後即刻俾人鬧，佢話﹕「幾個月前就想吃了！終於…結果剛吃完就被罵了，咳嗽還吃這些東西。」唔知鬧佢嘅人，係咪就係蛋皇哥呢？！
(蘋果日報)
