【被爆煎蛋都唔識】仔女日常飲食全靠家傭

荷李活女星安琪蓮娜祖莉（Angelina Jolie）最近接受雜誌《Vanity》訪問，指自己興趣係烹飪，仲話上緊堂學烹飪。不過媒體《Radar Online》卻報導安琪蓮娜根本唔識煮飯，甚至連煎蛋同焗多士都唔識！

安琪蓮娜雖然係6個小朋友之母，但原來佢完全唔識煮飯。平時佢根本唔鍾意食嘢，所以完全唔會入廚房，煮意粉、連煎蛋同焗多士都唔識。據報導所講，平時佢都係靠家傭煮，或者直接食外賣算，連佢嘅親生大女Shiloh都睇唔過眼，要入廚房幫兄弟姐妹煮一啲簡單食物。