演員伍允龍及安志杰為節目擔任嘉賓，期間二人被問及過去難忘的感情經歷。
【王祖藍曾花三年忘記李亞男：有諗過我哋唔匹配，亞男真係可以嫁得好啲】
雖然訪問中全程沒有提及舊愛名字，但當年伍允龍與鍾嘉欣的八年地下情已是圈中公開的秘密，可是之後無疾而終。
伍允龍直言：「當年我成日畀人叫茄喱啡、奀星，但其實我拍咗好多戲，亦好努力去做，好似《賭城風雲》一個鏡頭被車撞，我撞咗成25次，又試過由一樓跳落嚟差啲斷腳，但都冇人知，我唔係投訴，只係唔明白點解焦點會放喺同邊個拍拖。」
節目主持人崔建邦問他受負面影響爲何不放棄那段感情？伍允龍表示：「當年是開心嘅，只係對方因工作問題要收埋我少少，我ok嘅。（你覺得電視台畀咗壓力你哋？）我明嘅，當時佢好紅，而我係Nobody，因為工作要收埋我，呢一行係咁，但覺得過分咗去做呢件事，變咗個傷害喺我度。」
伍允龍當時覺得該段感情是開心的，不想放棄，因此他甘願承受其他所有負面東西包括傷害，繼續感情關係。
當年伍允龍被棒打鴛鴦承認有不滿及不開心：「係唔忿氣，但長大咗，過咗去喇，咁啱當時TVB有幾部劇搵我，但我經理人覺得唔適合推咗。」之後他遇到劇集《城寨英雄》成功入屋，他想入TVB去證明自己可以做到，有自己的價值，讓大家看到他的工作態度。
（綜合報道）
【王祖藍曾花三年忘記李亞男：有諗過我哋唔匹配，亞男真係可以嫁得好啲】
【每年學費18萬】15歲姚焯菲被要求重做功課 網民驚訝畫得咁靚竟然要重做
