日本組合SPEED成員上原多香子被爆曾背夫偷食，其丈夫TENN三年前疑發現妻子不忠後自縊身亡，醜聞導致多香子與姦夫阿部力形象破產。
報道話多香子係因為打算再婚嫁新歡高山和也，要與亡夫撇清關係，從而激嬲TENN家人向雜誌爆料，而多香子嘅醜聞亦令佢與新歡感情備受考驗。
日前，多香子為舞台劇《自豪歌喉~昂首向前走~》開工首度見傳媒，佢為醜聞躬鞠道歉，大熱天時多香子着住黑色長裙襯外套，加埋好鍾意着高踭鞋嘅佢着住平底波鞋，有傳媒就估計，多香子可能為新歡陀B。
事實上，多香子喺聽日完成《自豪歌喉~昂首向前走~》最後一場演出後，已經冇工作，外界估佢可能係為養胎停工都唔定。
(蘋果日報)
