【完全睇唔出全智賢佗緊B…】得呢張先見到少少孕肚！

韓國女神全智賢6月時宣佈再度懷孕，當時女神已陀B十周，不過女神未有全面停工，上月更飛去巴黎拍攝新廣告，當時全智賢個肚唔見好凸，只係腰好似粗咗少少。

而全智賢代言嘅服飾品牌今日公開女神新相，當中身形依然纖瘦嘅佢換上多套鬆身衫示人，又不時用袋遮肚，只係其中一張穿上針織連身裙嘅側身照中，見到佢冇咗腰線，腰圍粗咗少少。

(蘋果日報)