楊千嬅和丁子高的5歲兒子丁進諾（Torres）終於升Year 1！
而身為天后級的千嬅就為兒子Torres舖好路，就算每年要付高逹15萬元學費讀英基都冇問題。
不少圈中人都鍾情將子女安排就讀這間名校，如張繼聰和謝安琪兒子張瞻、楊思琦女兒楊卓穎（Krystal）及參加《全美一叮》的Celine妹妹譚芷昀同是英基學生。
千嬅和丁子高親自接送Torres到位於司徒拔道的學校返學，由於兩夫妻均是藝人身份，吸引了傳媒到學校外採訪，校方為免影響其他學生，特別讓千嬅的七人車直接駛進校內讓Torres下車，擁有「特權出入」。
千嬅表示：「小朋友返學，第一日都係好奇嘅，冇乜話前一晚好緊張，但都係開心嘅，始終返學都係開心嘅事，識到啲新朋友。」
「個仔開始大個喇，去自己學習吓自理能力，同埋佢開始大個，所有嘢佢會自己摸索同學習啦，放手畀佢學自己嘅嘢。」
丁子高亦表示兒子好期待返學這一天，之前一晚都表現好興奮，在家中多次試校服，又學整理飯盒。
「知道阿仔第一日佢食晒個飯盒，仲將啲刀叉放番入盒度收好，係幾乖仔，聽老師講都讚呢個學生好乖、好合作。」
講到「特權出入」，丁子高說：「今日係我同千嬅一齊送Torres返學，但接放學就係千嬅，而嚟緊阿仔都會搭校車返學，都想佢低調啲過學校生活。」
（on.cc 東網）
