【話要指腹為婚】孕媽賴慰玲個肚越嚟越大啦！

早前宣布懷有身孕嘅藝人賴慰玲，冇見一排個肚已經好大嘞。

佢上載咗一張同好友吳業坤嘅合照，賴慰玲雖然着住件鬆身衫，但個肚都大到現晒形，仲展露出幸福笑容！

吳業坤用手摸住賴慰玲個肚。

賴慰玲就留言：「你可以摸我個肚，但係唔好逼我BB叫你做『爸爸』，多謝合作。」

但吳業坤回應話係「契爸」，相當搞笑。

吳業坤又突然自己扮大肚，撳扁自己件衫之後凸晒個肚腩出嚟，又真係同大肚嘅賴慰玲個肚差唔多大喎，佢搞笑話「指腹為婚」添！

(on.cc 東網)