藝人姜大偉到尖沙咀出席新劇《誇世代》煞科晚宴，講到太太李琳琳透露在六年前曾患上大腸癌，姜大偉表示太太已經康復：「之前費事大家擔心所以冇講，當時做咗13次化療，真係幾辛苦，托賴，已經過咗六年，佢依家身體非常好。（太太主力享受人生？）佢一直都享受人生，只係我仲做緊啫！佢都退休多年，都有喺加拿大做過吓義工。」姜大偉又表示現時兩公婆會一齊去見家庭醫生，跟進一下健康狀況：「始終年紀大，係需要嘅。」
姜大偉與李琳琳育有兩女一子，除大女姜依蘭與曹永廉已結婚多年，居於外地嘅細女依文年前亦已低調結婚，並已為人母。 
(東方日報)
