謝安琪(Kay)自從3月生咗細女張靖後，眨吓眼阿女已經5個月大，不過Kay就唔急於復出，甚至有指佢加盟老友Oscar生煎包食店，叠埋心水做生意唔再唱歌。
雖然Kay未有打算復出，一家收入相對搵少咗，不過近年越撈越掂嘅老公張繼聰，工作量就同佢手瓜一樣，越嚟越膨脹，要揹起頭家唔係難事。
今日，阿聰仲化身湊仔公，揹住阿女帶埋阿仔出街，仲搞笑同囝囝張瞻用手指公扮啜奶嘴，阿聰留言話：「感謝幫我地影依張相嘅小姐，I love you ！」
咁呢位小姐，唔使估，應該都係姓謝啦。老公有擔帶又肯分擔家事，阿Kay自然樂得做阿聰背後嘅女人啦！
(蘋果日報)
