現年9歲「香港小巨肺」譚芷昀（Celine Tam）憑「黃金按鈕」直入真人騷《全美一叮》36強的半準決賽，今早Celine同爸爸起程出發準備明天比賽，期間發生一段小插曲，在他們臨入閘前，機場職員的對講機突然很大聲傳出一句：「係咪借個女上位嗰個？」這對話除了令場面非常尷尬之外，也可能有暴露客人私隱之嫌。
明天進行首輪比賽
Celine於美國才藝比賽真人騷《全美一叮》（America’s Got Talent）憑翻唱美國男歌手米高寶頓（Michael Bolton）名曲《How Am I Supposed to Live Without You》，成功贏得評審歡心，按下「黃金按鈕」（Golden Buzzer），獲直接送入36強的半準決賽。首輪比賽在美國時間本月15日舉行，Celine今日起程飛美國，由爸爸譚順生陪同到達機場並接受傳媒訪問，而Celine邊訪問邊玩着唱片公司送給她的扭計骰。問到Celine準備好參賽歌曲未？爸爸譚順生說：「準備咗，佢唱咗好多首，最後總導演就揀咗其中一首。」爸爸問Celine可否透露歌曲時，Celine表示：「唔講得㗎。」當Celine一家入閘時，站在閘口的機場職員對講機傳來一把男聲問：「係咪借個女上位嗰個？」未知譚太是否聽到，所以全程木無表情呢？
有信心贏Angelica Hale
譚順生稱參賽歌Celine都練了一段時間，而Celine則表示不覺辛苦。問到是否有信心？Celine答：「有信心 。（玩扭計骰減壓？）如果Mix up咗，我只可以整到一面同橙色，其他未整到。」講到有否留意9歲的對手Angelica Hale？Celine謂：「係10歲啦！（你哋兩個有傾偈？）冇呀，未見到佢。 （有冇信心贏呢個大你1歲嘅姐姐？）有。」在旁的爸爸聞言就指盡力而為，現已當Celine贏了，因來到這一步已好犀利，為華人爭光。
深明比賽歌歌詞
放暑假中的Celine原來明天要開學，爸爸說：「所以已同學校請假，校長都親自寫email嚟，話全學校都好支持Celine參賽，可以放心。」問到會否擔心追不上功課？Celine則擰頭，而爸爸則稱暑假期間有安排玩及中英數功課練習，亦有要她寫歌詞、學習歌詞的意思。講到有指Celine唱歌時欠感情似機械人，爸爸就反問Celine覺唔覺唔夠感情？Celine則擰擰頭。問到是否明白歌詞？她說：「明白。」而爸爸就稱：「今次首歌Celine係好明白歌詞，大家可以期待住。今次佢會演繹得更加好，因練得仔細好多。因係國際性大比賽，大會期待每一關都要見到每個參賽者特別一面，佢哋都成日問今次會唔會有新嘅嘢，我都係答佢強項都係唱歌啫！所以都有一路諗啦，但佢都係9歲啫！已經好難得㗎啦。」
比賽唔着高踭鞋
至於Celine則稱比賽不緊張，而過去九個月來的比賽過程都好開心。而爸爸譚順生亦表示到達後便開始備戰及綵排，今次出賽的服飾都是大會安排。問到今次是否不用穿高踭鞋？Celine說：「唔使。」
一家四口赴美
訪問後，Celine與爸爸再會合媽媽及妹妹Dion一同入閘，而坐在BB車的Dion更向大家揮手bye bye！
(東方日報)
