【憶4歲乖巧大女1句安慰説話】林盛斌今再哭崩：當時喊到佢哋都驚

另外，又提及到「父母係名人對小朋友嘅影響」話題，Bob表示：「我啲女真係勁，佢哋開始有社交平台，你都知道依家社交平台好容易就留好mean、好負能量、攻擊性既說話。女兒會同我講『爸爸有啲唔係好鍾意你嘅人去我社交平台留言，寫咗唔太好嘅嘢，覺得你爸爸好樣衰，我見到都想嘔』咁你（霏霏）點答佢，佢話『我唔知你有幾靚仔啦，但係我心目中我爸爸好靚仔』二家姐就會覆『我唔覺得我爸爸係壞人，佢係我哋心目中英雄』。」

此時Bob已按捺不住再落淚，表示：「當可能有啲人覺得你係垃圾，佢哋會覺得你係一個英雄，即係『我父親係英雄』。好多人唔明白我哋面對一啲壓力，但啲小朋友原來會咁樣守護你，我有時候覺得做呢份工作佢哋會唔會受到影響呢？到底佢哋會唔會講咩嘢影響到呢？不過好彩佢哋對我係正面。」