張栢芝近排玩社交網玩到上晒癮，事無大小都會放上網同大家開心Share。
最近佢就透露家中其中一隻愛貓病咗，好在都冇咩大礙。
今日，佢就上載咗一條餵愛貓食藥嘅短片，仲搵嚟細仔Quintus揸機添。
影片中見到著住家居裝嘅栢芝，用針筒餵愛貓食藥，佢仲同Quintus解釋啲藥係抗生素。
見到愛貓即表現興奮嘅Quintus就拎到個鏡頭搖晃不定，搞到栢芝出手揸番鏡頭，諗住影吓愛貓同Quintus玩嘅畫面。
點知就意外地晒出Quintus十隻腳趾都油晒粉紅色甲油，非常搶眼。
不過Quintus就似乎好習慣啵！唔通成日都有拎媽媽啲化妝品嚟玩～
(Instagram)
