田蕊妮一劇接一劇開工，由《來自喵喵星的妳》、《迷》、《超時空男臣》到《誇世代》，難免有感身心疲累！ 
她趁《誇》劇終於煞科，即於社交網站留言表示「隱退」：「從今天起再沒有別的角色，投入自己的生活裏，之後沒有計劃，沒有目標，只是好好去享受我的悠長假期，活在當下的一呼一吸之間。」
阿田接受媒體訪問時，就表示「我咁寫嚇親大家？真係唔好意思」阿田就話自己呢段時間忙於工作，所以係時候要好好休息。
「應該去到年尾都冇工作住，係咪悠長假期先？哈哈！」 
問到接下來的時間會點度過，阿田就話：「起碼要陪下我爸爸返鄉下、同屋企人去吓旅行，可以匿喺屋企睇買咗又未睇嘅書、畫吓畫咁。」
而老公杜汶澤呢？阿田就話老公要去馬來西亞工作：「我應該會陪佢過去做助手。我亦趁呢段時間試吓留長頭髮，唔使再為角色造型而費心。」
（on.cc 東網）
