【懷胎八個月】楊洛婷終於開估BB性別啦﹗
出席嘅客人被要求著住代表佢哋預測BB性別嘅衫，粉紅色就係女仔，而藍色就係男仔，結果。。。
楊洛婷（Rabeea）同老公DearJane樂隊主音阿Tim今日就搞咗個《BB Gender Reveal Party》話俾大家知即將出生嘅BB性別。
佢哋仲邀請咗一大班朋友同屋企人參加，出席嘅客人被要求著住代表佢哋預測BB性別嘅衫，粉紅色就係女仔，而藍色就係男仔，除咗估性別之外仲可以競猜埋Rabeea個肚嘅尺寸，最終開估係靠切蛋糕儀式完成，結果就係蛋糕內部係粉紅色，即係代表Rabeea已經粗達40寸巨肚入面嘅BB女好快要出世喇！
最後估中而又被抽中嘅嗰位朋友仲有禮物收，非常開心。Rabeea同阿Tim表示好高興同大家分享呢個消息，因為佢哋一直守住呢個秘密長達8個月，計下數，再過幾個禮拜，BB就會同大家見面喇。
(蘋果日報)
