羅霖早前擔任節目嘉賓。主持人麥玲玲相當佩服二人，她認為女人結婚後的責任已經夠多，而沒有另一半分擔，絕對更加辛苦，不過大讚羅霖做得非常好。
【莊思明宣佈押後婚禮】莊鍶敏三姊妹送亡父最後一程 談莊父遺願即淚崩
羅霖受訪期間更邊講邊哽咽……
羅霖選美後在娛樂圈工作5年就結婚，麥玲玲形容她是嫁入豪門，可惜外界不太看好，羅霖說：「坊間好多朋友真係好多打賭，睇吓結婚定分手。我都冇諗過同佢（劉坤銘）結婚，我18歲就做空姐，豪華生活同美食都少少見過世面，對佢初初冇乜感覺，因為佢唔係我鍾意嘅類型，當初佢話追我，我係好驚，因為當時八卦雜誌話佢係公子，又同其他娛樂藝人一齊，所以初初都係避開佢，不過後來一大班朋友活動，就成日見到佢。」
【兒子失蹤6年 家人今才報案 警公開發相尋人後 兒子自行到警署銷案】
羅霖認為堅強湊大3個兒子，看上去很有型，但都是為世所迫，她哽咽表示：
「離婚唔係一朝一夕，我忍好多年，都希望啲仔大啲先，直至佢超越咗我底線其中一點，所以就離婚。（贍養費？）離婚一刻贍養費係零，我負責小朋友生活費，前夫負責小朋友教育費，點知過半年佢同我打官司，想分我一半錢，學費佢都只想畀部分，打官司真係好心力交瘁，我一個女人點算好呢？幸好媽咪話有飯食飯，有粥食粥，叫我返去。」
問到為何有勇氣一個帶3個孩子？羅霖解釋起初只是帶細仔離家，不過大仔及二仔主動帶行李去找她，變相負擔愈來愈大，她說：「離婚後我冇諗過復出，因為年紀好大，只係諗住同朋友夾份做生意，不過離婚新聞之後，有廣告同工作搵我，於是雙線發展。」
羅霖稱兒子始終沒女兒窩心，但二仔就讀心理學之後，有次回港放假對她說：「呢幾年辛苦你喇，你所做嘅嘢，我都睇到呀！」這時羅霖便哽咽…
羅霖笑言離婚初期是最多人追求，可惜照顧3個小朋友太大壓力，好擔心感情生活，會令她崩潰，現時會期待找個伴，她說：「頭家好辛苦，想有個伴，啲仔將來有家庭唔會理我，我做好心理準備，對象唔使係筍盤，最緊要大家溝通到，佢心地好，唔使靚仔都可以。」
（綜合報道）
