藝人李佳芯（Ali）及蔡思貝到深水埗宣傳無綫劇集《踩過界》，Ali回應有指她與ViuTV主持陳炳銓，因為公司壓力，要將戀情低調。
她表示：「公司冇壓力，我本身都低調。（係咪拍拖？）正常交往，我本身都想喺事業上面衝，所以呢方面一向低調，我諗我依家如果冇一個正常嘅交往，我自己都驚。（男方有壓力？）唔知佢有冇壓力，我哋冇傾呢啲嘢，但有都會係好事，可以係一種動力。（話你哋女尊男卑、美女與野獸？）係咩？我幾鍾意睇《美女與野獸》，幾浪漫！其實佢都做男主角喎，喺我角度我唔覺得係女尊男卑，同埋做朋友，舒服、開心就得！」
(on.cc東網)
