現年40歲、95年亞姐亞軍黎淑賢(Bonnie)係出名嘅索媽，與前夫盧惠光生咗兩個仔。後來嫁俾現任丈夫、美容醫生許智政再生兩個仔，但身材依然fit到漏，一啲都冇走樣。
不過，黎淑賢最近嘅嘅樣就被指好膠，五官越來越精緻，有整容之嫌。
日前Bonnie接受訪問時，誓神劈願否認整容，佢話：「對我嚟講，要開刀嘅先係整容，我冇開過刀，我只係打咗針！」Bonnie老公係美容醫生，Bonnie打美容針當然由老公負責。
問佢係咪女為悅己者容，同時又要取悅老公？Bonnie一口否認話：「點解我要取悅別人？至緊要係自己覺得好睇，唔需要為別人而生活！」
盧惠光係黎淑賢嘅前夫，被問到佢上一段婚姻對現在有冇影響，佢話﹕「每一段婚姻都唔同嘅，對象唔同吖嘛！不過人係會長大，以前我10幾歲就結婚，當然唔夠成熟，o依家我有4個仔，從佢地身上，我都可以學到好多嘢！」
Bonnie隨後笑住更正：「應該係5個仔先啱」因為第5個仔就係老公！
「我真係精神分裂！對住個大嘅就要講大人嘢，對住細嘅，又要扮cute。我成日叫錯佢哋嘅名，有時要叫４次先叫得啱，連工人姐姐都笑埋一份！」
(on.cc 東網)
