新冠肺炎疫情反覆，正值第三波爆發，人心惶惶之餘還要處理生活的日常事務。
因疫情關係，不少僱主因入境或安全問題，只能聘請不同原因完約的「現成外傭」，目前「現成外傭」變得渴市，她們可以選工作做，有外傭公司提高「現成外傭」人工最少$5000起，而且還有一系列要求，令僱主感嘆請工人難。
（示意圖）
有僱主在Facebook群組「外傭僱主必看新聞訊息」發帖表示，現在聘請「現成印傭」相當困難，除了人工要5000元起外，家中不可以有老人家和BB，或只想照顧其一，另外還要有獨立房，否則寧願等也不妥協，令僱主無奈大嘆：「年尾我請到姐姐既機會係唔係好渺茫？」
（示意圖）
不少網民留言表示有同感，同時建議樓主不妨找多幾間agent，「我之前諗住搵本地印姐，佢都無要求額外加人工同獨立房。不過宜家係難嘅， 但年尾都仲有時間，快啲搵多幾間agent問下啦」、「呢個世界你揀人時人揀你，唔好誤會agent 一定要企僱主嗰邊，佢只係一個橋樑。揀多幾個 Agent 攞多幾個 profile 比較，一日未俾錢一日控制權喺你手。」
另外也有過來人分享，「 我4月尾請咗個完約工人，佢resume都要求自己一間房，agent幫我問佢share room做唔做。其實睇咗成疊resume，過半都要求有自己房，只係佢哋心態上博一博，要求咗先，可以傾嘅。」
