藝人雨僑8月誕下囡囡羅約彌（Harper），不過因疫情關係，避免外人接觸B女，所以她沒有請家傭或者陪月幫手，一手一腳自己湊。雖然可以與寶貝女一直相處是很開心的事，但產後媽媽休息不足夠，坐月質素不夠好，年老時特別多病痛，因此新手媽媽雨僑都很後悔沒有請陪月…
她發文大呻：「當然我都有屋企人幫，但係survive（生還）咗兩個月，我嘅結論係各位切勿以身犯險。😂」、「如果BB唔係百日哭，如果唔係屋企都有好多事發生，係會輕鬆啲…但係世事無如果，都係嗰句切勿以身犯險😂😂😂唔好做傻事，好在，調理方面做足晒，唉十匹布咁長！」
發文一出，很多媽媽網民都感同身受忍不住留言分享經歷，版主雨僑都盡量逐一回覆：「我都係不知那裏來的自信😆」、「我想時光倒流請番日夜更（陪月）唔該😆」，而育有兩名小朋友的謝安琪就為她打氣加油呀！
