一年前捲入桃色風波的藝人張致恒（Steven）事發後，形象一鋪清袋，雖然所屬公司沒有解約，但早已沒有工作在身，太太最近又誕下第二胎，一家四口生活難以維生是必然面對的問題。
近日張致恒太太雯雯在IG Story表示太多事思考而失眠，於是開了個留言題目「瞓唔着 傾吓偈」，希望跟網民傾偈放鬆心情有助入眠，有近40個問題留言，面對任何種類問題，無論多差勁的問題，雯雯都一一回應…
有網民問：「你講到大細仔出世係連累佢哋，你做人沒計劃嗎？不懂避孕嗎？」雯雯回覆：「其實好多事情，冇人會預知一樣嘢，當我決定帶佢嚟呢個世界嘅時候，當然我唔會預計到會發生咁多我不知道的事情。」亦有人問：「你學歷咁低有冇諗過點樣教小朋友呀遲啲？例如中學？」雯雯表示書本內容教不到可以找補習，但自己肯定可以教導兒子成為一個善良的人。
再有網民問：「冇錢嘅愛情，係咪真係維持到？」雯雯留言：「如果你選擇男人，要求佢好有錢佢又係一個好窮嘅人，當然會維持唔到，結論係每個人需要嘅嘢都唔同。」雯雯可謂無所不談，被問到歲數多少，她大方回答是：「91年」。
至於會否再生多個BB，雯雯坦言想生多個女兒，但現在不是適當時間。面對鼓勵留言，雯雯表示大家每一句支持說話都對她來說是好重要。
