【家燕媽媽不獲審批】9歲Celine挑戰阿G.E.M.唔知成唔成功
據知，之前同Celine爸譚順生有軱轕嘅家燕媽媽，都有透露。。。
9歲小巨肺Celine(譚芷昀)參加《全美一叮》(America’s Got Talent)一唱成名。上集更喺節目中，成為首個華人奪得Gloden Buzzer獎。
年僅9歲就蜚聲國際，比起另一巨肺宇宙巨G.E.M.更勁。Celine經理人蕭定一日前就即刻公布年尾會同Celine喺紅館開演唱會，仲話呢個演唱會係慈善用途，希望可以打破當年19歲G.E.M.，成為最年輕藝人喺紅館開騷紀錄。
雖然蕭定一諗法正面樂觀理想，不過今日有報道指Celine申請紅館檔期未獲審批，蕭定一如意算盤未必打得響。其實蕭定一之前都有話過紅館檔期好難申請，加上申請手續繁複，若能喺今年底或明年初成事已經係個奇迹。同時，之前同Celine爸譚順生有軱轕嘅家燕媽媽，都有透露阿女試過幫佢申請紅館開騷，但最後都係不獲審批。
(蘋果日報)
