藝人蔡卓妍（Sa）近日被指與百億太爺三年情告終，一向把感情事低調處理的阿Sa在這三年間默默爲將來的婚姻及家庭付出，年紀不小的她早年更決心雪卵，更做了兩次。
一直渴望婚後有小朋友的阿Sa早已準備「雪卵」：「要食咗保健品先，我食咗幾個月喇，之後要每日打針要連續10日。因爲打完賀爾蒙針成個人會變肥腫，所以要有時間先可以做，果排要閉關唔見人。」
阿Sa稱雪卵在香港進行：「不過諗起打針就好驚，因為要自己打落個肚度，所以可能到時都係每日去搵醫生打針。而選香港係因為香港一定要婚後先可以用粒卵子，所以對小朋友嚟講，有一個完整家庭好啲。」
及後她在台灣工作時，因為計錯數搞到打錯針：「計錯日子，打錯分量，勁驚，當時人在日月潭，即刻打電話畀香港醫生，佢話打錯咗冇法，叫我第二日去台中搵間診所買排卵試紙，睇吓啲卵有冇消失。」
她又說自學在肚子位置打針，初時好驚，要求醫生幫手，誰知醫生一下推手便完成，之後自行打針已不怕。
(綜合報道)
