李璨琛（Sam）與太太梁志瑩的2歲寶貝女李元元(Lucy)至今社交網追蹤人數已達15萬粉絲，很多網民都覺得Lucy搞笑可愛，有人坦言每日也會定時到IG看Lucy有趣生活事。可是也有部分的媽媽級的網民都會追蹤Lucy的IG，主因是李太（人稱：Lu媽）教育女兒的方法很值得其他媽媽參考，而Lu媽亦大多快速回復疑問，熱衷跟網民交流管教之道，加上Lu媽的真性情留言令經常不少網民捧腹大笑，故這兩母女深得網民喜愛。
昨日Lu媽上載了幾張Lucy低頭眼有淚光的罰企照，原來是Lucy頑皮，激嬲媽咪。
Lucy貪玩上了媽咪的牀，並將整支body oil倒出來，兼搽到自己滿身是油。
Lu媽留言：「油到成個銅人（或臘鴨）咁dun下（扽吓）dun下（扽吓）懶得意咁行出黎（嚟）。因為今次事態嚴重，除咗俾（畀）人狂炳之外，終於都要罰企。罰企完，面懵懵咁，仲要作曬（晒）狀坐喺個cushion度扮望街扮晒唏噓咁 #老母嬲到個經典臘鴨銅人look都冇影低呀 #支油成幾舊水㗎嘛有排先慳得返啦。」
此帖子至今已有六百多個回覆，不少媽媽網民都連串問Lu媽管教問題。有人問如何令Lucy聽話罰企，Lu媽回答：「因為由細到大我真係賞罰分明。佢做錯野我真係會好重語氣好認真咁話佢。罰企途中當然有扮晒蟹想行返過嚟啦，同佢講未完囉！」
這次的懲罰是10分鐘罰企，有人提議Lu媽放一個計時器，讓女兒看清楚被罰的時間有多久，Lu媽就回應該網民罰的目的主要想女兒覺得悶和攰，并非想她知道被罰了多久。此言一出，很多人都稱讚她的教育法好厲害，更贊同Lu媽正確的教導就要從小開始，長大後才教就困難得多了。
雖然看到只有2嵗的Lucy愁爆的樣子的確令人心痛，但網民一致讚賞Lu媽的教女之道。
Lu媽又强調對小朋友一定要有適度的管教，坦言：「你生咗舊嘢出嚟又唔教佢咁即係想點姐你害死佢呀」，又經常在文中hashtag絕不縱容，有看過Lucy IG的人士應該對Lu媽軟硬兼施的教育法並不陌生。Lu媽曾在訪問中提到自己較著重女兒的品德修養，這方面會的確會嚴加管教。
